"Jirona"ga qarshi bahsni Federiko Valverde zaxira o'rindig'ida boshlaydi.
Madridning "Real" klubi La Liganing 25-turini o'z maydonida o'tkazadi. Uchrashuv Toshkent vaqti bilan 20:15 da boshlanadi.
Urugvaylik yarim himoyachi "Los Blankos"ning asosiy tarkibidan joy olmagan. Karlo Anchelotti unga dam berishi mumkinligi avvalroq xabar qilingandi.
Qayd etish joizki, bu joriy mavsumda ikkinchi marta sodir bo'ldi. Yanvar oyi o'rtalarida "Selta"ga qarshi o'yinda (5:2) Fede o'yinning 79-daqiqasida zaxiradan maydonga tushdi.
Bugungi o'yinni Braim Dias asosiy tarkibda boshlaydi.