Saudiya Arabistoni Vinisius uchun «Real»ga 350 million evro to'lashga tayyor!

Saudiya Arabistoni «Real» hujumchisi Vinisius Juniorni mahalliy klublardan biriga olib kelishga harakat qilishda davom etmoqda.

Yuklab olish

Saudiya Arabistoni «Real» hujumchisi Vinisius Juniorni mahalliy klublardan biriga olib kelishga harakat qilishda davom etmoqda. Bu haqda Defensa Central xabar bermoqda.

Manba ma'lumotlariga ko'ra, Saudiya Arabistoni rahbariyati braziliyalik futbolchini transfer qilishni ustuvor vazifa qilib belgilagan. Bu orqali mamlakatda futbolga investitsiyalarni oshirish maqsad qilingan. Saudiyaliklar 24 yoshli futbolchi uchun «Qirollik klubi»ga 350 million evro taklif qilishga tayyor. Agar transfer amalga oshsa, bu futbol tarixidagi eng yirik kelishuv bo'ladi.

Vinisiusning o'ziga esa besh yillik shartnoma va 1 milliard maosh taklif qilinmoqda, bu summa bonuslarsiz hisoblangan.

Joriy mavsumda Vinisius «Real» tarkibida 32 o'yin o'tkazib, 16 ta gol urdi va 12 ta golli uzatma amalga oshirdi. Uning amaldagi shartnomasi 2027 yil yozigacha mo'ljallangan. Transfermarkt portali ma'lumotlariga ko'ra, futbolchining bozor qiymati €200 millionni tashkil etadi.

BestMaster
22 Fevral 2025, 08:30
saudiya, arabistoni, vinisius, uchun, «real»ga, million, evro, tolashga, tayyor!,