Yuklab olish«Real» bosh murabbiyi Karlo Anchelotti kelasi mavsum Italiya A Seriyasiga qaytishi mumkin.
AS nashrining xabar berishicha, «Roma» klubi egalari Rayan va Den Fridkinlar italiyalik murabbiyni jamoani boshqarishga ko'ndirishga urinmoqda.
Ular yangi mavsumni mashhur murabbiy bilan boshlamoqchi, xuddi 2021 yili Joze Mourino bilan bo'lgani kabi. Fridkinlar Anchelottini bu vazifaga eng mos nomzod deb hisoblamoqda.
«Roma» rahbariyati unga iqtisodiy va sport yo'nalishida to'liq erkinlik berishni taklif qilmoqda. Ular jamoani Evropaning elita klublari qatoriga olib chiqishni maqsad qilgan.
Shuningdek, «Jallorossi» Anchelottini «Real»dan olib kelish uchun uning o'yinchi sifatidagi o'tmishini esga solmoqda. U 1979–1987 yillar oralig'ida «Roma» sharafini himoya qilib, 227 ta o'yinda qatnashgan, 17 ta gol urgan va jamoa bilan to'rt marta Italiya Kubogi hamda bir marta Skudettoni qo'lga kiritgan.
Shuningdek, Anchelottining «Roma»ga kelish ehtimoli faqatgina «Real» prezidenti Florentino Peres u bilan munosabatlarni to'xtatishga qaror qilgan taqdirdagina amalga oshishi ta'kidlangan.
Online
Bosh sahifaga