"Real Madrid" prezidenti lavozimini egallab turgan Florentino Peres Marseloning futboldagi faoliyatini yakunlagani haqida fikr bildirdi.
"Marselo - "Real Madrid" va jahon futboli tarixidagi eng buyuk chap qanot himoyachilaridan biri. Biz uzoq vaqt davomida uning o'yinidan zavqlanish sharafiga muyassar bo'lganmiz. Marselo - bizning eng buyuk afsonalarimizdan biri, "Real Madrid" har doim uning uyi bo'lgan va bo'lib qoladi", - deya Peresning so'zlarini keltiradi Madrid klubi rasmiy sayti.
Marselo 2007 yildan 2022 yilgacha "Real" sharafini himoya qilgan. Bu vaqt ichida braziliyalik futbolchi 546 ta rasmiy o'yin o'tkazib, 38 ta gol urgan va jamoadoshlariga 103 ta golli uzatma bergan.