"Real" bosh murabbiyi Karlo Anchelotti qishki transferlar haqidagi savolga javob berdi. Murabbiydan jurnalistlar "Real" transfer oynasi yopilguncha hech kim bilan shartnoma imzolamasligi haqida so'rashdi.
"Yo'q, yo'q, yo'q! Men hech narsani tasdiqlamayman! Sizlarga (jurnalistlarga) minnatdorchilik bildirishim kerak, chunki siz menga transferlar haqida tez-tez savol bermadingiz. Men buni chindan ham qadrlayman. Ertadan boshlab vaziyat yanada oydinlashadi," - dedi Anchelotti matbuot anjumanida.