Yuklab olish"Barselona" "Real" bilan Ispaniyadan tashqarida o'ynashi mumkin.
Kataloniya klubi navbatdagi La Liga "El-Klasiko"sini mamlakat tashqarisida o'tkazish imkoniyatini o'rganmoqda. Bu haqda SER Catalunya telekanali xabar berdi.
"Kamp Nou"dagi ishlar ushbu o'yin uchun o'z vaqtida yakunlanmasa, bu variant ko'rib chiqilishi mumkin. "Barselona" bunday o'yinni sig'imi katta va eng yaxshi sharoitga ega stadionda o'tkazish kerak deb hisoblaydi.
"Ko'k-anorranglar" 11 may kuni "Real"ni qabul qilishi rejalashtirilgan. Kataloniyaliklar "Montjuik" stadionidagi ijara muddatini aprel oyi oxirigacha uzaytirdi, ammo may oyida u erda o'ynay olishi dargumon - u erda bir qator kontsertlar rejalashtirilgan, ularni bekor qilish juda qiyin.
"Barselona" hali o'zining B rejasini La Liga yoki Ispaniya Qirollik futbol federatsiyasiga (RFEF) etkazmadi, chunki ular "Kamp Nou" o'yinni o'tkazishga tayyor bo'lishiga ishonishadi. O'yinni xorijga o'tkazish to'g'risidagi qaror ushbu tashkilotlar tomonidan tasdiqlanishi kerak.
Klub matbuot so'roviga javoban, bu vaziyatda hali ham noma'lumliklar juda ko'pligini ta'kidladi.
Online
Bosh sahifaga