Sobiq agent: "O'z vaqtida "Barselona" Mbappeni emas, Dembeleni tanlagandi"

Xosep Mariya Mingelya "Barselona" Kilian Mbappedan voz kechib, xato qilganini aytdi.

Yuklab olish

Xosep Mariya Mingelya "Barselona" Kilian Mbappedan voz kechib, xato qilganini aytdi.

- Etti yil oldin siz Kilian Mbappeni "Barselona"ga taklif qilgan edingiz. Uning "Real Madrid"ga o'tishi sizni xavotirga solmoqdami?

- "Barselona" Mbappeni 140 millionga sotib olishi mumkin edi, ammo ular Dembeleni afzal ko'rdilar. Bunday xatolarga yo'l qo'yganingizda, ular uchun keyinroq tovon to'laysiz. O'shanda murabbiylar shtabi Dembeleni "Barselona" tizimiga ko'proq mos deb hisoblagan.

"Barselona" o'tmishda shunday jiddiy xatolarga yo'l qo'ygan. Nyu-Yorkda men Ugo Sanches bilan kelishib olgandim, ammo "Barselona" Stiv Archibaldni afzal ko'rgan. Keyingi yili Sanches "Real Madrid"ga o'tdi va ular ketma-ket besh marta chempionlikni qo'lga kiritishdi.

Men qo'rqmayman, lekin hozirda "Real Madrid" potentsial jihatdan "Barselona"dan ustun. Nafaqat Mbappe, balki stadion, biznes boshqaruvi, ulkan vakolatga ega bo'lgan prezident, byudjet tufayli ham... Madridga etib olish oson bo'lmaydi", - deydi sobiq agent.

BestMaster
8 Avgust 2024, 17:00
sobiq, agent, vaqtida, barselona, mbappeni, emas, dembeleni, tanlagandi,