Kazemiro Braziliya terma jamoasini Boliviyaga qarshi o'yinda sardor sifatida maydonga boshlab tushadi

"Real Madrid" va Braziliya terma jamoasi yarimhimoyachisi Karlos Kazemironing faoliyatidan eng yorqin damlar bo'lmoqda.

Hozirgi kunda Kazemiro "Real Madrid"ning o'zgartirib bo'lmas futbolchisiga aylangan bo'lsa, shu bilan bir qatorda milliy terma jamoada ham Kazemiro o'z o'rnini mustahkamlab bormoqda. Marca nashrining bergan xabariga ko'ra 25 yoshli futbolchi Braziliya terma jamoasining bo'lajak JCH-2018 saralash uchrashuvi Boliviya terma jamoasiga qarshi baxsda 5 karra jahon chempionlarini sardor sifatida maydonga boshlab chiqadi. Bor yo'g'i terma jamoada 15 ta o'yin o'tkazganligiga qaramasdan bosh murabbiy Tite ushbu sharafli unvonni "qaymoqrang"lilar futbolchisiga ishonib topshirdi.