Yuklab olishSportico sport-biznes portali jahon futbolidagi eng qimmatbaho klublar reytingini yangiladi.
Unda 1-o'ringa oxirgi yillar APLda ishlari sira yurishmayotgan «MYu» qo'yildi. Manchester jamoasining qiymati 6,2 milliard dollarga teng. Keyingi o'rinlar esa Ispaniya grandlariga tegishli: «Real» (6,06 milliard dollar) va «Barselona» (5,28 milliard dollar).
Tushunarliki, bunday reytinglarni shakllantirishda ko'plab kriteriyalarga e'tibor qaratiladi. Ha, hozirda «MYu» sport natijalari bilan sira maqtanolmaydi. Har holda, Erik ten Xag boshqaruvidagi jamoa joriy mavsum ChL guruh bosqichida so'nggi o'rinni band etdi. Qolaversa, APL yakuni bo'yicha klublar miqyosidagi asosiy evrokubokning navbatdagi musobaqasida ham o'ynamaydi. Shunga qaramay, Sportico guruhi hisob-kitoblariga ko'ra, aynan «MYu» dunyoning eng qimmatbaho klubi bo'lib turibdi.
Alohida qayd etish kerak, Sportico reytingi klublarning moliyaviy hisoboti va futbol biznesi mutaxassislari ma'lumotlariga asoslangan. Oddiy aytganda, tadqiqotda moliyaviy hisobotlar, banklar, sarmoyadorlar, moliyaviy maslahatchilar taqdim etgan ma'lumotlar inobatga olingan.
JAHON FUTBOLINING ENG
QIMMATBAHO 20ta KLUBI
1. «MYu» - 6,2 mlrd. dollar
2. «Real» - 6,06 mlrd. dollar
3. «Barselona» - 5,28 mlrd. dollar
4. «Liverpul» - 5,11 mlrd. dollar
5. «Bavariya» - 4,8 mlrd. dollar
6. «Manchester Siti» - 4,75 mlrd. dollar
7. «PSJ» - 4,05 mlrd. dollar
8. «Arsenal» - 3,91 mlrd. dollar
9. «Tottenxem» - 3,49 mlrd. dollar
10. «Chelsi» - 3,47 mlrd. dollar
11. «Yuventus» - 1,77 mlrd. dollar
12. «Borussiya» D. - 1,64 mlrd. dollar
13. «Atletiko» - 1,62 mlrd. dollar
14. «Milan» - 1,2 mlrd. dollar
15. «Los-Anjeles» - 1,15 mlrd. dollar
16. «Inter» - 1,06 mlrd. dollar
17. «Atlanta Yunayted» - 1,05 mlrd. dollar
18. «Inter Mayami» - 1,02 mlrd. dollar
19. «Los-Anjeles Geleksi» - 1 mlrd. dollar
20. «Nyu-York Siti» - 840 mln. dollar
Bellingham_5 
Online
Bosh sahifaga