Yuklab olishFutbolchilar narxlari haqidagi asosiy axborot sayti Transfermarkt.com ayni damda aka-uka futbolchilarning transfer qiymatidan kelib chiqqan holda eng qimmat juftliklari reytingini e'lon qildi. Ko'raylikchi!
1. Jud va Job Bellingem
Ha, albatta, hozir jahon futbolining asosiy yulduzlaridan biri bu Jud Bellingem. Angliyalik futbolchi "Real Madrid" uchun ajoyib mavsum o'tkazmoqda va uning yutuqlari haqida faqat karlar eshitmagan. Ammo uning ukasi Job asta-sekin, lekin ishonch bilan o'z futbolchilik faoliyatini chempionshipdan yuqoriga ko'tarmoqda. U "Sanderlend"da o'ynaydi va bu futbolchi nafaqat familiyasi tufayli, balki matonat va o'yin bilan ham muvaffaqiyatga erisha oladigan holat.
Umumiy qiymati: 189 million evro (Jud - 180 million evro | Job - 9 million evro)
2. Killian va Etan Mbappe
Frantsiyalik aka-ukalarning yana bir yulduzli juftligi “PSJ”da o'ynaydi. Agar Killian bilan hammasi aniq bo'lsa, uning ukasi Etan hozir Parij yoshlar jamoasida o'ynaydi. Qiziq, u Parijda qoladimi yoki katta akasi uni o'zi bilan Madridga olib ketadimi?
Umumiy qiymati: 180,5 million evro (Killian - 180 million evro | Etan - 500 ming evro)
3. Teo va Luka Ernandes
Bunda ikkala frantsuz aka-uka ham bir pozitsiyada o'ynaydi va ikkalasi ham bu cho'qqiga chiqish uchun harakat qilishdi. To'g'ri, biri Jahon chempioni, ikkinchisi esa yo'q.
Umumiy qiymati: 105 million evro (Teo – 60 million evro | Luka – 45 million evro)
4. Markus va Kefren Tyuram
Haqiqatan ham futbolga moyil frantsuz oilasi! Markus allaqachon uzoq vaqtdan beri mohir futbolchi bo'lgan va Kefren o'zining futbol sayohatini endigina boshlagan, ammo shunga qaramay, ko'plab futbol gigantlari allaqachon yosh iste'dodlarni o'z jamoalarida ko'rishni xohlashadi.
Umumiy narxi: 100 million evro (Markus - 60 million evro | Kefren - 40 million evro)
5. Leroy va Sidi Sane
Bu holatda katta Sane kichik nemis ukasini tepaga suradi. Leroy hozir "Bavariya"da o'ynayapti va Angliyaga qaytish haqida o'ylayotgan bo'lishi mumkin, Sidi esa ikkinchi Bundesliganing pastki qismida "Ayntraxt Braunshveyg" bilan o'ynamoqda.
Umumiy qiymati: 80,35 million evro (Leroy – 80 million evro | Sidi – 350 ming evro)
6. Luis va Xesus Dias
Luisni Angliya Premer-ligasining barcha tomoshabinlari biladi, lekin uning ukasi hali ham juda kam odamga tanish. Ammo kolumbiyalik o'ng qanot yarim himoyachisi endigina 19 yoshda, shuning uchun hali oldinda uzoq yo'l bor.
Umumiy qiymati: 75,15 million evro (Luis - 75 million evro | Xesus - 150 ming evro)
7. Aleksis va Kevin MakAllister
Argentinalik Aleksis akasidan bir yosh kichik, ammo muvaffaqiyatli va qimmatroq. Kevin ukasidan farqli ravishda himoyaga e'tibor qaratadi va “Union Berlin”da o'ynaydi.
Umumiy qiymati: 75 million evro (Aleksis - 70 million evro | Kevin - 5 million evro)
8. Niko va Inyaki Uilyams
Yana bir aka-uka bir klubda o'ynaydi. Niko chap qanot yarim himoyachisi, Inyaki esa o'nn qanot. Biri Ispaniya terma jamoasida, ikkinchisi Gana terma jamoasida o'ynaydi. Inyaki 29 yoshda, Niko esa 21 yoshda. Shunaqa gaplar.
Umumiy qiymati: 75 million evro (Niko - 50 million evro | Inyaki - 25 million evro)
9. Rasmus va Oskar Xoylund
Daniyalik yosh hujumchilar. Rasmus Angliya Premer-ligasi maydonlarida gol urishni boshlaganda, Oskar “Kopengagen” uchun Chempionlar Ligasida o'ynadi. Ikkala yigit ham yosh va har birining isbotlashi kerak bo'lgan jihatlati bor.
Umumiy qiymati: 65,5 million evro (Rasmus - 60 million evro | Oskar - 500 ming evro)
10. Yurrien va Kvetin Timber
Niderlandiyalik himoyachi va yarim himoyachi egizaklar, ammo ularning narxi bir-biridan farq qiladi. Yurrien yozda "Arsenal"ga ko'chib o'tdi va hozirda davolanmoqda, Kventin esa "Feyenoord"da o'z darajasini ko'rsatmoqda.
Umumiy qiymati: 62 million evro (Yurrien – 40 million evro | Kventin – 22 million evro).
Online
Bosh sahifaga