Yuklab olishVinisius Junior sudda "Valensiya" muxlislari orasida ommaviy irqchilikni da'vo qilmadi.
Eslatib o'tamiz, La Liganing o'tgan mavsumi 35-tur uchrashuvi vaqtida "Valensiya" muxlislari Vinisius Juniorni haqorat qilib, "Real" qanot himoyachisini "maymun" deb atashgan va bu o'yin 8 daqiqaga to'xtatilishiga sabab bo'lgandi.
O'tgan yilning oktyabr oyida Vinisius sudda irqchilik ishi bo'yicha videobog'lanish orqali ko'rsatma berdi - 18 yoshdan 21 yoshgacha bo'lgan uch kishi gumon qilinmoqda va ular allaqachon "Valensiya" stadioniga bir umrga kirishlari taqiqlangan. Qayd etilishicha, braziliyalik futbolchi nutqi davomida 2-3 kishi emas, balki “Mestalya”dagi ko'p sonli ishqibozlar ishtirok etganini aytib, ba'zida muxlislarni g'azablantirayotganini tan olgan.
Biroq, Marca nashrining EFE agentligiga tayanib xabar berishicha, Vinisius butun stadionda irqchilikni da'vo qilmagan. Uchrashuv stenogrammasidan ma'lum bo'lishicha, braziliyalik o'zi tanib olishga muvaffaq bo'lgan bir nechta muxlislarning qichqirig'idan xafa bo'lgan. Shu bilan birga, "Real Madrid" vingeri o'yin boshlanishidan oldin ham o'ziga nisbatan haqoratlarni eshitganini ta'kidlab, "Mestalya"dagi vaziyatni keskin deb ta'rifladi.
Kelasi payshanba, 7 mart kuni Valensiya sudida ish bo'yicha navbatdagi sud majlisi bo'lib o'tadi, unda guvohlar ko'rsatma beradi. Jumladan, irqiy zo'ravonlikka ham uchragan "Real Madrid" himoyachisi Eder Militao video havola orqali gapirdi.
Online
Bosh sahifaga