Yuklab olish"Real Madrid" bosh murabbiyi Karlo Anchelotti jamoasi yarim himoyachisi Toni Kroosning joriy mavsum yakunida faoliyatini yakunlashi mumkinligi haqida gapirdi.
"Kroosning to'rt oydan keyin faoliyatini yakunlashi haqida nima deb o'ylayman? Agar u shunday qilsa, u holda unda aniq xarakter bor, u erkak", - dedi Anchelotti Madrid Universal bilan suhbatda.
Kroos 2014 yildan beri "Real"da o'ynab kelmoqda. Bu vaqt ichida nemis futbolchisi madridliklar bilan 21 ta sovrin, jumladan, to'rtta UEFA Chempionlar Ligasi kubogini qo'lga kiritdi.
Joriy mavsumda yarim himoyachi "Los-Blankos" safida barcha turnirlarda 30ta o'yin o'tkazib, bitta gol va 7ta golli uzatmani amalga oshirdi. Futbolchining Madrid klubi bilan shartnomasi shu yilning iyun oyi oxirigacha amal qiladi.
Transfermarkt internet portaliga ko'ra futbolchining taxminiy narxi 14 million evroni tashkil qiladi.
Online
Bosh sahifaga