Yuklab olish«Real» hozircha "PSJ" hujumchisi Kilian Mbappega yakuniy qaror qabul qilishi uchun muddat belgilamadi. Jamoa bilan u bilan muzokara olib bormoqda.
Avvalroq «Madrid» 24 yoshli futbolchidan 15 yanvarga qadar bir to'xtamga kelishini talab qilayogani haqida xabar tarqalgandi. Ammo L’Équipe nashri «Real»dagi manbaga asoslanib, bu xabarni rad etdi. «Agar futbolchiga bunday talab qo'ysak, bu o'z jonimizga qasd qilish bilan teng bo'ladi. Axir hozirda muzokara o'tkazish uchun bizda mavsum oxirigacha erkinlik bor», – dedi manbalarda biri.
Shu bilan birgalikda «Madrid» rahbariyati Mbappe va uning agentlariga shartnoma imzolash jarayonini ortga surib yuborish niyatlari yo'qligini aytgan. Jamoa 2022 yilning yozidagi vaziyat takrorlanishidan xavotir olmoqda. Agar Kilian «Real»ga rad javobini bersa, jamoa transfer siyosatini boshqa tomonga qaratadi. Agar Mbappe Madridga ko'chib o'tishga rozi bo'lsa, o'z roziligini yozma kafolat orqali tasdiqlashini klub so'ramoqda.
Mbappe joriy mavsumda "PSJ safida 25 o'yinda maydonga tushib, 26 ta gol urdi.
Online
Bosh sahifaga