Ramos La Ligadagi g'alabalar soni bo'yicha Madridistlar ro'yhatida 6-o'ringa ko'tarildi

"Real" sardori Serhio Ramos kecha "Selta" ustidan qozonilgan g'alabadan so'ng La Ligada eng ko'p g'alaba qozongan Madridistlar ro'yhatida Yerroni ortda qoldirgan holda 6-o'ringa ko'tarilib oldi.

Madriddagi 12-mavsumini o'tkazayotgan futbolchi kecha La Ligadagi 252-g'alabasini qo'lga kiritib, bu borada sobiq "El capitano" Fernando Yerrodan (251) o'zib ketdi. Endilikda Ramosdan yuqorida faqat 5 nafar Madridist - Santilyana (262), Xento (283), Sanchis (312), Raul (327) hamda Kasilyaslar (334) mavjud.

Ramos "Real" safida La Ligadagi eng ko'p g'alabasini 2011/12 mavsumida qayd etgan (30 ta) bo'lsa, joriy mavsum 27 uchrashuvdan 19 tasida g'oliblikni qo'lga kiritdi. Uning gol kiritish bobidagi eng yaxshi ko'rsatgichi esa aynan ushbu mavsumga to'g'ri kelmoqda (7 ta).

RealBlancos