Saudiya Arabistoni rasmiylari Benzema, Modrich va Ramosga katta maoshga ega shartnoma taklif qildi

Saudiya Arabistoni klublari “Real” etakchilariga qiziqish bildirmoqda.

Yuklab olish

Saudiya Arabistoni klublari “Real” etakchilariga qiziqish bildirmoqda.

"El Mundo" nashrining xabar qilishicha, mamlakat rasmiylari hujumchi Karim Benzema va yarim himoyachi Luka Modrichga liga klublari bilan ikki yillik shartnoma uchun 60 million evro maosh taklif qilgan. Jamoa tanlash huquqi futbolchilarning o'ziga qo'yib beriladi.

Shuningdek, xuddi shunday taklif “PSJ” himoyachisi Serxio Ramosga ham taqdim etilgan.

Saudiyaliklar futbolchilarning vakillari bilan muzokaralarni davom ettirmoqda.

Avvalroq Modrich “An-Nassr”ning taklifiga rad javob bergani xabar qilingandi.

Saudiya Arabistoni hukumati mahalliy ligaga iloji boricha ko'proq yulduzlarni jalb qilish istagida. Bu Saudiya Arabistoniga JCh-2030 mezbonligi kurashida qo'l kelishi kutilmoqda. Arablar Misr va Gretsiya bilan birga 2030 yilgi mundial mezbonligi uchun ariza topshirgan.

Krishtianu Ronaldu yil boshida Ar-Riyodning “An-Nassr” klubi bilan shartnoma imzoladi. Xabarlarga ko'ra, Caudiya klubi futbolchiga yiliga 200 million evro maosh beradi.

BestMaster
2 Fevral 2023, 19:20
saudiya, arabistoni, rasmiylari, benzema, modrich, ramosga, katta, maoshga, shartnoma, taklif, qildi,