"Real" futbolchisi Militao: "Alaba bilan jahondagi eng yaxshi himoyachilar juftligimiz"

"Real" himoyachisi Eder Militao jamoadoshi David Alaba haqidagi fikrlarini bildirdi.

"U jamoaga kelganida, tezda bir-birimizni tushunib, o'ynab keta oldik. Xuddi biz bungacha uzoq vaqt birga o'ynaganimizdek. Bu "Real" futbolchilariga yoqdi. U doimo motivaciyaga ega va o'yin vaqtida energiyaga boy bo'ladi. G'alabadan keyin "biz jahondagi eng yaxshi himoyachilar juftligimiz" deb aytishim mumkin. 

Oilamiz ham do'st. Xuddi ancha vaqtdan beri bir-birimizni biladigandek. Garchi sevgan qizim David haqida gapirganida uni Alaba emas, Abala deb atasa ham", - dedi Militao.