Isko maosh talabi sabab yangi klub topa olmayapti

"Real"ni erkin agent maqomida tark etadigan yarim himoyachi Isko yuqori maosh talabi sabab yangi klub topa olmayapti.

"Real" allaqachon 30 yoshli hujumkor xavbek bilan shartnomani uzaytirmaslik qarori sabab uning ketishi elon qildi.

Iskoga "Sevilya", "Valensiya" va "Betis", shuningdek Italiyaning "Roma" klubi qiziqish bildirgan edi, ammo ushbu to'rt klub o'yinchining maosh borasidagi talabini qondirishga tayyor emas. Isko hozirda "Real"da olayotgan 7 mln evro atrofidagi maoshini saqlab qolishni xohlaydi.

Isko "Real"ga 2013 yilda "Malaga"dan o'tgan edi. U jamoa tarkibida 5 karra CHempionlar Ligasi, 3 karra Ispaniya chempioni va bir bor UEFA Superkubogi sohibiga aylandi.

Futbolchi 2021/22 yilgi mavsum jamoa tarkibida barcha musobaqalarda 17ta o'yinda maydonga tushib, 2ta gol urishga erishdi.