Ryudigerning shartnoma bo'yicha talablari ochiqlandi

Germaniya va "CHelsi" markaziy himoyachisi Antonio Ryudigerning kelajagi nomalumligicha qolmoqda.

Uning "aristokratlar" bilan bitimi shu yozda tugaydi.

Jurnalist Nikolo Skiraning xabar berishicha, germaniyalik futbolchi potencial ish beruvchidan yiliga 12,5 million evro maosh bilan to'rt mavsumlik shartnoma, shuningdek, bonus sifatida 20 million so'ramoqda.

Avvalroq futbolchiga "Yuventus", "Real", PSJ va "Bavariya" klublari qiziqish bildirayotgani haqida xabar berilgandi.

Ryudiger ushbu mavsumda "CHelsi" safida barcha musobaqalarda 45 ta o'yinda maydonga tushib, 4 ta gol urgan.