Benzema “Real” tarixidagi eng yaxshi to'purarlar ro'yxatida kuchli uchlikka kirdi

“Real” forvardi Karim Benzema ECHL 1/8 final javob bahsida PSJ (3:1) darvozasini uch bor ishg'ol etdi.

Francuz madridliklar safidagi umumiy gollari sonini 309 taga etkazib, klubning eng yaxshi to'purarlari ro'yxatida afsonaviy Alfredo Di Stefano (308)ni quvib o'tdi.

Benzemadan oldinda esa faqatgina ikki futbolchi bor: Raul (323) va Krishtianu Ronaldu (450).

SHuningdek, 34 yoshli hujumchi “Real” safida ECHLdagi gollari sonini 67 taga etkazib, Rauldan o'zib ketdi. Bu borada peshqadam esa Ronaldu (105 ta) hisoblanadi.