Bilasizmi? Rodrigo Luka Modrichni "dada" deb chaqiradi

Rodrigo TNT Brazil"ga bergan intervyusida tajribali jamoadoshi Luka Modrich bilan munosabatlari haqida gapirib berdi.

"Biz Luka Modrich bilan oilamiz, o'z hayotimiz haqida suhbatlashganimizda u otam o'zidan bor yo'g'i bir yoshga katta ekanliklarini bildi.

Mashg'ulotlardan birida u menga shunday dedi: "Sen meni va o'zingdan kattalarni hurmat qilishing kerak. Yoshim sendan ancha katta va deyarli otang tengi ekanman". Ana o'sha voqeadan beri u menga "o'g'lim" deb, men esa "dada" deb murojaat qilaman.

Modrich bilan bir jamoada harakat qilish katta baxt. U men birga o'ynagan va bevosita o'yinini ko'rgan futbolchilar ichida eng zo'ri. Bunday munosabatlar — ajoyib va ularning qadriga etish muhim", - deydi Rodrigo Goes.