Anchelotti: "Real" barcha sovrinlar uchun kurashadi”

“Real” ustozi Karlo Anchelotti Ispaniya Superkubogini qo'lga kiritganidan keyin o'z fikrlari bilan o'rtoqlashdi.

“Atletik”dek kuchli jamoaga qarshi yana bir yaxshi o'yin o'tkazib, mazkur sovringa loyiqligimizni ko'rsatdik. Vaziyatni nazorat qildik.

Jamoaga qarab, barcha titullar uchun kurashamiz deb o'ylamoqdaman. Qoyilmaqom jamoa, yaxshi muhit, ajoyib daraja, bularning barchasi bizni sovrinlar uchun kurashishga undaydi. Bu “Real” har qanaqasiga o'ynashi mumkin.

G'alabalardan charchamayman. “Bavariya”dagi faoliyatimdan beri hech narsa yutmagandim. Atrofimda quvnoq insonlarni ko'rsam, o'zim ham xursand bo'laman”, deydi italiyalik mutaxassis.