Karlo Anchelotti: "Taqvimda judayam ko'p o'yinlar bor, bu o'yin sifatini pasaytiradi"

"Real Madrid" bosh murabbiyi Karlo Anchelotti futbol taqvimini juda zich tuzilgan deb hisoblaydi.

"Hozirda ko'plab futbol o'yinlari translyaciya qilinmoqda va bu menga muxlis sifatida yoqadi. Lekin tadbirlar ishtirokchisi, murabbiy sifatida yuqori saviyadagi jamoalarni tayyorlash uchun bu eng yaxshi variant emas deb hisoblayman. Ko'p uchrashuvlarning sifati pasayib ketdi.

O'ylaymanki, hozirda taqvimda judayam ko'p o'yinlar bor, buni qayta ko'rib chiqish kerak. FIFA va UEFA buni ko'rib chiqishi kerak, chunki futbolchilar holdan toyishsa, ko'ngildagidek o'yin bo'lmaydi", - dedi italiyalik mutaxassis.