"Real" "Barselona" ustidan ketma-ket 4-bor g'alaba qozondi. Bu 1960-yillardan buyon eng uzun seriya

"Barselona" Ispaniya chempionatining 10-turida o'z maydonida "Real"ga (1:2) mag'lub bo'ldi.

Kataloniyaliklar 2019 yil mart oyidan buyon "klasiko"da g'alaba qozona olishmayapti. O'shandan beri ular ketma-ket bitta durang va to'rtta mag'lubiyat qayd etishgan.

"Barsa" ustidan ketma-ket to'rtta g'alaba - bu Madrid klubining 1960-yillardan buyon eng uzoq davom etgan seriyasi hisoblanadi. 1962 yildan 1965 yilgacha "Real Madrid" ketma-ket etti marta g'alaba qozongan.

La Liganing ikkinchi davrasida jamoalar 2022 yilning 20 mart sanasida uchrashadi.