Ronaldo: "Benzema – "Oltin to'p" uchun kurashda favorit"

"Real Madrid" sobiq hujumchisi Ronaldo "Oltin to'p"ni "qirollik klubi"ning franciyalik hujumchisi Karim Benzema olishiga ishonishini aytdi.

"Nazdimda, "Oltin to'p" uchun kurashda Benzema – favorit. Karim – so'nggi 10 yil davomida yirtqich bo'lib keldi. Eng muhimi – u chempion. Siz shunday hisoblamaysizmi?", – dedi braziliyalik afsona.

33 yoshli Benzema joriy mavsumda "Real" safida barcha turnirlarda 10 o'yinda maydonga tushib, 10 ta gol urdi va 7 ta golli uzatmani amalga oshirdi. Uning klub bilan shartnomasi 2023 yilning yozigacha amal qiladi.