Anchelotti: "Benzemada "Oltin to'p"ni yutish uchun vaqt bor"

"Real" bosh murabbiyi Karlo Anchelotti jamoa hujumchisi Karim Benzemaning o'yiniga yuqori baho berdi.

"U shunday o'yini bilan "Oltin to'p"ni yutadiganlar ro'yxatida bo'lishi kerak.

Karimda ushbu sovrinni qo'lga kiritishi uchun vaqt bor. Bu uning so'nggi mavsumi deb o'ylamayman. Benzema - vino misoli, qancha eskirsa shuncha yaxshi", - dedi Anchelotti.

Franciyalik forvard 6 turda 8 gol va 7 assist qayd etdi. Bu samaradorlik kuchli beshlik ligalarida XXI asrda qayd etilmagandi.