Levandovski "Real"ga transferi haqidagi mish-mishlarga izoh berdi

"Bavariya" hujumchisi Robert Levandovski o'zining Madridning "Real" klubiga ehtimoliy o'tishi haqida gaplarga izoh berdi.

"Men "Bavariya" o'yinchisiman. Mish-mishlarga etibor bermayman. Ular har yili chiqadi, ularga etibor bermayman. Bir bor "Real" prezidenti bilan Madridda uchrashganman, ammo barchasi shu. Boshqa hech narsa deya olmayman", - deydi polshalik futbolchi.

Levandovski 2014 yilning iyulidan beri Myunxen jamoasida o'ynaydi. Uning shartnomasi 2022/23 yilgi mavsum so'nggiga qadar mo'ljallangan.

Robert joriy mavsum Bundesliga doirasidagi 5ta o'yinda maydonga tushib, 7ta gol urishga erishdi.