Yuklab olish"Real" yarim himoyachisi Marko Asensio faoliyatini Angliya Premer-ligasida davom ettirishi mumkin.
Fichajes nashrining so'zlariga ko'ra, Londonning "Arsenal" klubi 25 yoshli ispan vingerning xizmatlariga qiziqish bildirmoqda. Martin Edegorni sotib olingandan so'ng, "kanonirlar" rahbariyati "qaymoqranglilar" bilan Asensio transferi borasida muzokara o'tkazishga harakat qiladi.
Futbolchining transferi 34 million funtga baholanmoqda.
Qayd etilishicha, Markoning xizmatlariga "Liverpul" va "Tottenxem" ham qiziqish bildirmoqda.
Eslatib o'tamiz, Asensio 2016 yildan buyon "Real Madrid" asosiy jamoasida o'ynaydi va shu vaqt mobaynida u 120 ta uchrashuv o'tkazgan va to'qqizta sovrinni qo'lga kiritgan, shu jumladan 2 ta Chempionlar Ligasi va ikkita Ispaniya chempionati bosh sovrini ham bor.
Online
Bosh sahifaga