Yovich: "Men tasodifan "Real"ga tushib qolmadim"

Madridning "Real" klubi hujumchisi Luka Yovich o'z kelajagi haqida gapirdi.

"Mening maqsadim - kuchli chempionatda o'ynash. So'nggi ikki mavsumda ko'p narsalar ro'y berdi. Barchasi yaxshilanishini istardim, sababi men "Real"ga tasodifan kelib qolmadim.

Hali Anchelotti bilan vaziyatmni muhokama qilmadim, ammo men yangi mavsumga tayyorgarlikda maksimum ishlashim kerak. "Real"da bo'lib turib, siz hech narsa yo'qotmaysiz. Bundan faqat yutasiz. Dunyoning eng kuchli o'yinchilari bilan harakat qilasiz, bu buyuk klub", - deydi Yovich.

23 yoshli hujumchi o'tgan mavsum "Real"ning asosiy forvardi bo'lmadi. U yanvarda "Ayntraxt"ga ijaraga berildi va Luka 18ta o'yinda 4ta gol urishga erishdi.