Mendi "Real" bilan yaxshilangan shartnoma imzolamoqchi

Himoyachi Ferlan Mendi "Real" rahbariyati bilan yangi mehnat shartnomasi borasida muzokaralar olib bormoqda.

Franciyalik futbolchi yangi shartnomaga ko'ra, yuqoriroq maosh olmoqchi. "Qaymoqranglilar" esa 26 yoshli o'yinchi talab qilayotgan mablag'ga hozircha rozi emaslar.

Ferlan 2019 yilning yozidan beri "qirollik klubi" sharafini himoya qiladi.

Mendi o'tgan mavsum Ispaniya chempionati doirasidagi 38ta o'yinda maydonga tushib, 2ta gol urishga erishdi. Uning shartnomasi 2025 yilning o'rtalariga qadar mo'ljallangan.