Xames: "Madriddagi davrim yakuniga etdi"

"Everton" yarim himoyachisi Xames Rodriges "Real"ga qaytish ehtimolini baholadi.

Yaqinda Karlo Anchelotti "Real" bosh murabbiyi sifatida ish boshladi. Italiyalik mutaxassis va kolumbiyalik futbolchi "Real Madrid", "Bavariya" va "Everton"da birga ishlagan.

"Real"ga qaytish yoki qaytmasligimni bilmayman. Menimcha, biz qayta ko'rishmaymiz. Agar yana bir mavsumni "Everton"da o'tkazsam, qoniqarli bo'lardi.

O'ylashimcha, Anchelotti meni taklif qilmaydi. "Real"dagi davrim tugadi. U erga qaytaman deb o'ylamayman. Ammo men hali ham yoshman", — deydi Xames Instagram sahifasida.

Joriy mavsumda 29 yoshli futbolchi APLning 23 o'yinida 6 gol urdi va 4 ta golli pas muallifi bo'ldi.