Uch klub Vaskes uchun kurashga qo'shildi

Madridning "Real" klubi vingeri Lukas Vaskes "Manchester Yunayted", "Milan" va "CHelsi" klublari qiziqishlari doirasiga tushib qoldi.

Futbolchi uchun bosh davogar "Bavariya"dir. Tomonlar ehtimoliy transfer borasida muzokaralar olib borishmoqda.

"Real" shartnomasi mavsum so'nggida yakunlanadigan o'yinchi bilan bitimni uzaytirish borasida kelishuvga erishmadi.

"Qaymoqranglilar" unga maoshi 10%ga pasayishi bilan 3 yillik shartnoma taklif qilishdi. Ispaniyalik esa maoshi ko'tarilishini xohlaydi, sababi u doim o'zi sazovor bo'lganidan kam haq oladi deb hisoblaydi. Barcha davogar klublar uning moliyaviy talablarini qondirishga tayyorlar.