Yuklab olish«Real» yarim himoyachisi Lukas Vaskes yozda jamoani tark etishi mumkin. Ispaniyalik futbolchining klub bilan shartnomasi joriy mavsum so'nigida yakunlanadi.
"As" tarqatgan xabarga ko'ra, madridliklar taklif qilgan yangi shartnoma Vaskesni qanoatlantirmadi. "Madrid" esa mazkur taklif shartlarini yaxshilamoqchi emas. "Qirollik klubi" bosh murabbiyi Zayniddin Zidan o'ziga Lukas kerakligini aytayotgan bo'lsa-da, bu narsa jamoa rahbariyati qaroriga ta'sir ko'rsatmayapti.
Rahbariyat jamoani yoshartirishni istamoqda. Ular 20 yoshli Vinisius Junior va Rodrigo Goesga ko'proq umid qilishmoqda. Jamoada 29 yoshli Vaskesning bo'lishi yoshlarning rivojlanishiga to'siq bo'ladi, deya hisoblamoqda klub.
«Bavariya» esa vaziyatdan foydalanib, Lukasni qo'lga kiritmoqchi. Myunxenliklar u bilan muzokara boshlashdi. Hozircha tomonlar bir to'xtamga kelishmadi, ammo shartnoma bandlari muhokama qilinmoqda. Yaqin kunlarda Vaskes "Bavariya" bilan kelishuvga erishishi kutilmoqda.
Lukas Vaskes La liganing joriy mavsumida 22ta o'yinda maydonga tushib, 2ta gol urdi.
Online
Bosh sahifaga