Zidan: Qo'l ostimdagi futbolchilar bilan faxrlanaman.

"Real Madrid" bosh murabbiyi Zinedin Zidan uchrashuvdan so'ng OAV intervyu berib o'tdi.

Hakamlik haqida:

Har doimgidek hakamlar haqida muhokama qilishni xohlamayman. Asosiysi biz katta uchrashuvda g'alaba qozondik. Lekin Ronaldu chetlatilgan vaziyatni gapirib o'tmaslikning iloji yo'q, ikkinchi sariq kartochka berilmasligi kerak edi. Penalti bo'lmasligi mumkin, biroq bu vaziyatda kartochka ortiqch edi. Chorshanba kuni to'g'ri harakat qilishga urinamiz.

Jamoa haqida:

Biz xattoki 10 kishi bo'lib ham oxirigacha kurashmoqdamiz. Qo'l ostimdagi futbolchilar bilan faxrlanaman.

O'zgartirishlar haqida:

Menda A va B jamoalari yo'q. Barchamiz natija uchun mehnat qilamiz. Hamma o'yin amaliyotiga ega bo'ladi, kimdir 30, kimdir 60 va yana kimdir butun uchrashuv.

Asensio haqida:

Uning o'yini meni xayratlantirmaydi. Marko - har doim fenomenal o'yin ko'rsatib keladi. U ajoyib futbolchi, ajoyib passlarni amalga oshiradi, kuchli zarbaga ega. Biz tarkibimizda bunday futbolchi borligidan xursandmiz. Ammo unga har doim ham maydonga tushish oson emas, biroq Marko maydonga tushsa tezda hal qiluvchi vaziyatlarni yarata oladi. Xuddi Kovachich va Isko singari.

Kovachich haqida:

Mateo ajoyib tarzda o'z ishini uddaladi. U katta o'yinlarga tayyor. Afsusda unda kichik jarohat yuzaga keldi va men uni maydondan olishni majbur bo'ldim.

Isko haqida:

Bugun u ajoyib o'yin ko'rsatdi. To'p bilan yaxshi muomila qildi va jamoa o'yinini qo'lga oldi.

Natija haqida:

Natijadan qoniqish hosil qildik, ammo ikkinchi o'yin ham bor. Endi biz bir kun dam olamiz va yana mashg'ulotlarga kirishamiz. Hal qiluvchi o'yin chorshanba kuni bo'lib o'tadi.