Yuklab olishKurashlarga boy va murosasiz uchrashuv durang natija bilan yakunlandi.
"Real Madrid" – "Real Sosedad" 1:1"Estadio Alfredo Di Stefano" o'yingohiGollar: 0:1 – 55 Portu, 1:1 – 89 Vinisius Junior.
"Real Madrid" – Kurtua, Mendi, Varan, Nacho, Vaskes, Modrich (Valverde, 76), Kroos, Isko (Vinisius Junior, 61), Kazemiro, Asensio (Rodrigo, 61), Mariano Dias (Duro, 61).
"Real Sosedad" – Remiro, Le Norman, Gorosabel (Sanyan, 82), Monreal, Subeldiya, Silva (Munos, 85), Gevara, Portu (Barrenechea, 72), Subimendi, Oyarsabal, Isak (Fernandes, 82).
Ogohlantirish: Gorosabel (76).
| Real Madrid Vinicius Junior - 89' | LaLiga . 25-tur 02/03/2021, 01:00 1 : 1 Tugadi | Real Sociedad Cristian Portu - 55' |
Stadion: Alfredo Di Stefano, 0 tomoshabin
Bosh hakam: Jesus Gil
45' 90' 61' Isco (Vinicius Junior)61' Marco Asensio (Rodrygo)61' Mariano Diaz (Hugo Duro)76' Luka Modric (Federico Valverde)89' Vinicius Junior89' Lucas Vazquez55' Cristian Portu55' Nacho Monreal72' Cristian Portu (Ander Barrenetxea)76' Andoni Gorosabel82' Alexander Isak (Carlos Fernandez)82' Andoni Gorosabel (Modibo Sagnan)85' David Silva (Aihen Munoz) Match-senterda ochishUshbu sahifada uchrashuvning matnli translyaciyasini kuzatib borishingiz mumkin bo'ldi.
YANGILASH
Bo'ldi, hakamning final hushtagi chalindi va "Real Madrid" mag'lub bo'layotgan holatda bir ochkoni qo'lga kiritgan bo'lsada, bu o'yin mag'lubiyatga teng bo'ldi desak adashmaymiz. "Real Sosedad" esa o'yini qovushsa, istalgan jamoaga bosh og'riq bo'la olishini yana bir bor isbotladi.
Xullas, oxirgi daqiqalarda "Real Madrid" goh u qanotdan, goh bu qanotdan hujum qilmoqda va ko'plab burchak zarbalarini amalga oshirmoqda. Ammo hozircha "Sosedad" chidab bermoqda.
90-daqiqa. "Real" bosimni davom ettirmoqda. O'yinning asosiy vaqtiga 3 daqiqa qo'shib berildi.
89-daqiqa. GOOOOOOOOOOOOL! Vinisius hisobni tenglashtirmoqda! Valverdening ajoyib uzatmasi hamda Vaskesning xizmatini alohida takidlash lozim bu golda.
87-daqiqa. Kazemironing zarbasidan keyin to'p himoyachiga tegib, maydonni tark etdi. Burchak zarbasi tezda amalga oshirildi, lekin Vinisiusning uzatmasi qovushmadi.
86-daqiqa. Avvaliga Kroos raqibning xavfli hujumini to'xtatib qoldi, keyin esa Valverde raqib posboni bilan birga-bir vaziyatga chiqib ketishiga sal qoldi.
85-daqiqa. O'zgarish! David Silva uchun bugungi bellashuv yakunlandi. Uning o'rniga Ayxen Munos o'yinga qo'shildi.
84-daqiqa. Rodrigoo! Valverdedan to'pni qayta qabul qilib olgani hamonoq zarba yo'lladi, lekin biroz noaniq.
82-daqiqa. O'zgarish! Gorosabel o'rniga Modibo Sanyan, Isak o'rniga esa Karlos Fernandes tushirildi.
79-daqiqa. Mezbonlar raqibini jarima maydoniga qamay olmoqda, ammo yakuni zarba etishmayapti.
78-daqiqa. Oyarsabalning uzatmasidan keyin "Sosedad" futbolchilari yana zarba yo'llash imkonini topa olishdi, lekin bu safar noaniq.
O'zgarish! Modrich o'rniga Fede Valverde.
76-daqiqa. O'yindagi birinchi sariq kartochka Vinisiusni quchoqlab olgan Gorosabelga nasib qildi.
74-daqiqa. Uzoq davom etgan hujumni Kazemiro boshi bilan bergan zarbasi yakunlab berdi, lekin Vaskesning uzatmasidan keyin to'pga eta olgan bo'lsada, braziliyalikning urinishi noaniq bo'ldi.
72-daqiqa. O'zgarish! Hozircha yagona bo'lib turgan gol muallifi Kristian Portugezni Ander Muguruza alishtirdi.
70-daqiqa. "Madrid" pressing uyushtirib to'pni qaytarib oldi.
69-daqiqa. Rodrigoning o'ng qanotdan amalga oshirgan uzatmasidan keyin Ugo Duro boshi bilan zarba bera oldi, lekin to'p darvozadan yuqoriroq yo'nalish oldi.
67-daqiqa. "Real Madrid" burchak zarbasidan naf chiqara olmadi.
66-daqiqa. Kurtua oldinroqqa chiqib to'pni egallab oldi va mehmonlar hujumini uzib qo'ydi.
63-daqiqa. "Madrid"ning urinishi oxiriga etmay qoldi.
61-daqiqa. O'zgarish! Zidan bir yo'la 3 nafar futbolchini almashtirdi. Asensio, Isko va Asensio ketdi, Ugo Duro, Rodrigo va Vinisius o'yinga qo'shildi.
58-daqiqa. Toni Kroosning zarbasi biroz noaniq ketdi.
55-daqiqa. GOOOOOL! Portu hisobni ochdi. Nacho Monrealning uzatmasidan keyin Mendi uxlab qolgani malum bo'ldi va Portuga amalda hech kim halaqit qilmadi va u jamoasini oldinga olib chiqdi.
53-daqiqa. Kazemiro to'pni olib qo'yayotganida raqib uning oyog'iga zarba berib yubordi.
52-daqiqa. Yana burchak zarbasi, yana "Sosedad" ijrosida... Lekin yana muvaffaqiyatsiz.
50-daqiqa. Lukas Vaskes to'pni egallab, jamoasining qarshi hujumini boshlab berishni niyat qilgandi, lekin niyatiga eta olmadi.
Erlatib oshirilgan to'p Isakka aniq etib bordi va hujumchi zarba ham berishga imkon topdi, lekin Nacho to'p yo'liga to'g'anoq bo'ldi.
49-daqiqa. Mehmonlarning o'ng qanotdan hujumi yana burchak zarbasi bilan yakunlandi.
48-daqiqa. Kurtua kutilmaganda to'pni ushlab qololmadi va Nacho Monreal hisobni ochish uchun yaxshi imkoniyatdan foydalana olmadi.
47-daqiqa. Ikkinchi bo'limdagi birinchi burchak zarbasini mehmonlar amalga oshiradigan bo'lishdi. Ushbu standart "Sosedad" uchun nafaqat bo'limdagi, balki umuman bugungi o'yindagi birinchisi bo'ldi.
"Real Madrid" darhol hujumga tashlandi.
46-daqiqa. Ikkinchi bo'lim boshlandi.
SHu pallada bosh hakam Xesus Hil Mansanoning birinchi bo'lim yakunlangani haqidagi hushtagi chalindi. "Real Madrid" biroz ustunlikka ega bo'lsada, deyarli teng kurashlar ostida o'tgan bo'limda hisob ochilmadi va hozircha durang.
45+1-daqiqa. Kurtuaning to'p oshirishdagi xatosi tufayli bo'limdagi oxirgi hujumni mehmonlar uyushtiradigan bo'ldi. "Sosedad" o'ng qanotdan jarima maydoniga kirishga urindi, lekin Nacho raqib yo'lini to'sdi va Tibo to'pni egallab oldi.
Birinchi bo'limning asosiy vaqtiga 1 daqiqa qo'shib berildi.
45-daqiqa. Mehmonlarning urinishi muvaffaqiyatsiz yakunlandi. Isakning uzatmasiga etib keladigan sherik topilmadi.
43-daqiqa. Luka Modrichning uzoq masofadan yo'llagan zarbasi kuchli va xavfli chiqdi, lekin posbon qiyinchilik bilan bo'lsada, to'pni qaytarishni uddaladi.
40-daqiqa. Asensio katta tezlikda oldinga qarab ketayotganida yiqitildi, hakam qoida buzilgani, ammo bu harakat sariq kartochkaga tortmasligini malum qildi.
37-daqiqa. "Real Madrid" markazga yaqin hududda to'pni ushlab turibdi.
35-daqiqa. Toni Kroos bu safar raqib jarima maydonida paydo bo'ldi va zarba yo'lladi, lekin faqatgina burchak zarbasi...
34-daqiqa. Kazemiro oldinroqda qolib ketganiga qaramay, Toni Kroos tayanch zonasini yopa oldi va raqibning qarshi hujumini uzib qo'ydi.
33-daqiqa. Oyarsabal o'yindan tashqari holatda deb topildi va ancha xavfli bo'lishi mumkin bo'lgan hujum to'xtab qoldi.
32-daqiqa. Iskodan to'pni qabul qilib olgan Mariano Dias yolg'iz o'zi qarshi hujumga otlandi va zarba yo'llab ko'rdi, lekin ancha noaniq.
31-daqiqa. To'p oldida Isak va Oyarsabal. Aleksandrning zarbasi Kazemironing boshiga tegib, maydonni tark etdi. Burchak zarbasi.
30-daqiqa. Himoyada o'ynashdan charchagan mehmonlar bir amallab hujumga o'tishdi va Iskoning qo'polligidan keyin qulay nuqtadan jarima zarbasini amalga oshiradilar.
27-daqiqa. "Real Madrid" bo'lim o'rtasiga kelib bosimni kuchaytirmoqda.
Marko Asensiodan to'pni qabul qilib olgan Kazemiro yana zarba berdi, bu safar ancha xavfli chiqdi, lekin hozircha gol emas.
26-daqiqa. Kutilmaganda hujumda paydo bo'lgan Nacho (Madrid) teznikasini namoyish qildi, lekin raqib vakillari ko'pchilik bo'lib, xavfni bartaraf etishdi.
25-daqiqa. Yana Kazemiro, bu safar futbolchi jarima maydoni tashqarisidan zarba berdi, ammo to'p darvozadan ancha yuqoridan o'tib ketdi.
23-daqiqa. Burchak zarbasidan keyin Kazemiro boshi bilan zarba yo'lladi, darvozabon to'pni qaytarishni uddaladi.
22-daqiqa. UXXX! "Madrid" o'yindagi eng xavfli vaziyatni vujudga keltirdi, Mariano bilan kurashda himoyachi sal qolsa to'pni o'z darvozasiga kiritib yuborishi mumkin edi - to'sin, keyin Asensioning zarbasidan keyin himoyachiga tegib, to'p maydonni tark etdi.
20-daqiqa. Mehmonlar jonlanib qolishdi va bir necha bor tashlanishni amalga oshirishdi.
18-daqiqa. Iskoning individual harakatlaridan keyin Modrich zarba uchun qulay imkoniyatga ega bo'ldi, zarbani amalga oshirdi ham, lekin himoyachilar to'p yo'liga to'g'anoq bo'lishdi.
17-daqiqa. Nacho (Madrid) hamda Portuning poygasida himoyachi ustun keldi.
15-daqiqa. Mehmonlar vakillari qanchalar ajablanmasin, hakam to'p Vaskesdan chiqib ketganiga ishonmadi va erkin zarba amalga oshirilishi zarurligini ko'rsatdi.
14-daqiqa. O'yin tempi u qadar yuqori emas, "Real" to'pga ko'proq egalik qilib, raqibning xatosini kutmoqda, "Sosedad" esa o'z o'rnida tezkor qarshi hujumlarga tayanib o'yin ko'rsatyapti.
12-daqiqa. Rafael Varan ikki bor Isakka qarshi ishonchli harakat qildi va to'pni jamoasiga olib berdi.
10-daqiqa. Sal qolsa "Real Madrid"ning burchak zarbasi raqibning tezkor qarshi hujumi bilan yakunlanishi mumkin edi, lekin bunday bo'lishiga Lukas Vaskes yo'l qo'ymadi. <
Online
Bosh sahifaga