Zidan: Tarkibimdan qoniqish xosil qilmoqdaman va hech bir futbolchini qo'yib yubormoqchi emasman

"Real" bosh murabbiyi Ispaniya Superkubogi doirasida "Barselona"ga qarshi uchrashuvdan oldin intervyu berib o'tdi.

O'yin haqida:

"Ispaniya Superkubogi muhim ahamiyat kasb etadi. Bu sovrin klub g'aznasini to'ldirishi mumkin. Biz "Barselona"ga qarshi qanday o'ynashni bilamiz. Biz buyuk klubga qarshi maydonga tushamiz, biroq hech narsa o'zgarmaydi. Jismoniy jihatdan ham ruhiy jihatdan ham uchrashuvga tayyormiz. "Barselona" jiddiy o'zgarishlar yuzaga keldi, lekin ular kuchsizlanib qolmadi. Agar siz ularga qarshi yengil o'yin bo'ladi deb o'ylasangiz xato qilasiz. Bizda uyda va mehmondagi o'yin bor. Jamoa faqat g'alaba haqida o'ylamoqda."

Ronaldu haqida:

"Krishtianu uchrashuvga butkul tayyor. U bir necha kun oldin mashg'ulotlarga kirishdi, biroq u allaqachon yuqori notasiga chiqib bormoqda."

Yangi shartnoma haqida:

"Men bu haqida o'ylamayapman. Shu yerda qolmoqchiman va bu yerdaligimdan zavq olayapman. Xa, balki bu yerdagi faoliyatim tugashi mumkin, lekin "Madrid" bilan munosabatlarimiz tugamaydi. Men klub rahblari va muxlislarning menga ishonch bildirishayotganidan xursandman."

Maqsadlar haqida:

"G'alabalar murakkab mehnatning samarasidir. Bizning maqsad barcha sovrinlarni yutish. Ertaga biz yana bir sovrin uchun maydonga tushamiz va g'alaba qozonishni xohlaymiz."

Isko va BBC haqida:

"Ular bir-biriga mos kelmasligi mumkin. Men masalani turli xil usullar bilan yechishim mumkin.

Kazemiro haqida:

"U darvozada oldida biz bilan juda ko'p mashg'ulotlar o'tamoqda. Hech kim alohida shug'ullanayotgani yo'q. Men juda xursandman chunki u muhim o'yinlarda gol kiritmoqda, ammo Kazening maydondagi asosiy vazifasi bu emas."

Teo haqida:

"U bilan hammasi yaxshi, xuddi boshqalar singari. Teo jamoaga kelganidan xursand va allaqachon jamoa bilan sovrin yutishga ulgurdi.

Neymar transferi haqida:

"Bu transfer meni o'ziga jalb etmayapdi. Uning pozitsiyasida bizda boshqa futbolchi bor. Neymar ajoyib futbolchi, lekin u bizga zarur emas.

Transferlar haqida:

"31-avgustgacha hamma narsa bo'lishi mumkin. Lekin o'z tarkibimdan qoniqmoqdaman va hech bir futbolchini qo'yib yuborishni istamayman."