"Sosedad"ning 70 million evrolik futbolchisi MYUga qarshi o'yinni o'tkazib yuborishi mumkin. U klubning eng yaxshi to'purari

"Real Sosedad" yarim himoyachisi Mikel Oyarsabal mashg'ulotda o'ng sonining orqa qismidan jarohat oldi.

Ispaniya terma jamoasi futbolchisi La Liga doirasidagi "Xetafe" (14 fevral) va Evropa Ligasi doirasidagi "Manchester Yunayted" (18 fevral)ga qarshi o'yinlarni o'tkazib yuborishi mumkin.

Marca malumotlariga ko'ra, ispaniyalik futbolchining tiklanish muddati 2-3 haftagacha vaqtni oladi.

Oyarsabal joriy mavsum La Liga doirasidagi 17ta o'yinda maydonga tushib, 10ta gol urdi va jamoasining eng yaxshi to'purari bo'lib turibdi.