Zidan Yovich haqida: “Men aybdormasman”

“Real” ustozi Zinedin Zidan madridliklar safida o'zini ko'rsatolmagan Luka Yovich haqida fikr bildirdi.

Yovich ijara asosida "Ayntraxt"ga qaytdi va sobiq jamoasidagi ilk o'yinidayoq dublga erishdi.

“Baxtliman, bu menga yoqdi. Yovichga va boshqalarga ham eng yaxshi tilaklarimni tilayman.

“Real” azosi bo'lish qiyin. Buni futbolchi sifatida o'zimda his etganman. O'ylashimcha, Yovichni sotib olganimiz biz uchun yaxshi variant bo'lgan. Undan xursandman va bir kun kelib Madridda ham shu ishni amalga oshiradi deb umid qilaman. Unda boshqa futbolchilar kabi bu erda kelajagi bor.

“Real”da doimo jiddiy raqobat mavjud, murabbiy esa bunga aybdor emas”, deydi Zidan.