“Real” va “Barselona” futbolchilari La Liganing boshqa klubiga o'tishi mumkin

“Xetafe” qishki transferlar vaqtida tarkibini kuchaytirish niyatida.

Buning uchun “Xetafe” “Real”dan Takefusa Kubo hamda “Barselona”dan Karles Alenyani o'z safiga qo'shib olmoqchi. Jamoa ularni mavsum so'ngiga qadar ijaraga olishni rejalashtirgan. “Real” va “Barselona” o'z futbolchilarini qo'yib yuborishga qarshi emas. Faqat ushbu ijara shartnomasi uchun futbolchilarning roziligini olish qolgan. Qayd etish joiz, 19 yoshli Kubo mavsum avvalida “Vilyarreal”ga ijaraga berilgandi. Biroq yaponiyalik u erda etarlicha o'yin amaliyotiga ega bo'la olmadi.