Yuklab olish"Real" bosh murabbiyi Zayniddin Zidan bugun matbuot anjumanida ishtirok etib, uning sha'niga bo'layotgan tanqidlar haqida o'z fikrini bildirdi.
"G'alaba qozonmasang, seni tanqid qilishlari — normal holat. Tanqidlar mening o'yinchilar va har kunlik ish haqidagi fikrlarimga ta'sir ko'rsatmaydi. Albatta, qiyinchiliklar mavjud. Ammo biz hech narsaga qaramasdan ishlashda davom etamiz.
Hozir murakkab vaziyat, ammo o'tgan mavsumda ham qiyinchiliklarga duch kelgandik. Hozir esa yanada qiyinroq. Lekin men bu haqida o'ylashni istamayman. Men ijobiy fikrdaman. Vaziyatni o'nglash uchun bizda vaqt bor.
Men "Real"da o'zimni na o'yinchi sifatida, na murabbiy sifatida daxlsiz deb his qilmaganman. Hech qachon. Ma'lum sabablarga ko'ra men bu erdaman va klubdagi so'nggi kunimga qadar shu bilan yashayman", - dedi Zidan.
Online
Bosh sahifaga