"Real" Azarni boshqa bir belgiyalik bilan almashmoqchi

Madridning "Real" klubi yarim himoyachisi Eden Azar faoliyatini APLda davom ettirishi mumkin.

"Qaymoqranglilar" belgiyalik futbolchining o'yini va surunkali ravishda jarohatga yo'liqishidan norozi. Jamoa rahbariyati o'yinchi bilan xayrlashishni rejalashtiryapti.

"Real" mutasaddilari Azarni Kevin de Bryuynega almashtirish uchun "Manchester Siti" bilan muzokaralarga kirishmoqchi. Madridliklar uchun APLning o'tgan mavsumdagi eng yaxshi o'yinchisi transfer qilish qiyin bo'ladi. Ammo Kevin CHempionlar Ligasini yutishni xohlaydi, shu tufayli "Real"dan taklif kelsa, Manchesterni tark etishi mumkin.