Yanuzay APLga qaytishi mumkin

San-Sebastyanning "Reala Sosedad" klubi yarim himoyachisi Adnan Yanuzay qishda Angliya chempionatiga ko'chib o'tishi mumkin, deya xabar qildi jurnalist Fabricio Romano.

25 yoshli futbolchiga "Brayton" va "Sautgempton" klublari qiziqish bildiryapti. Belgiyalik futbolchi uchun APL begona emas. U 2011-2017 yillarda "Manchester Yunayted" jamoasi tizimining vakili hisoblangan.

La Liganing joriy mavsumida 6 uchrashuv o'tkazgan Yanuzay 2 golga mualliflik qildi. Uning "Real Sosedad" bilan amaldagi shartnomasi 2022 yilda nihoyasiga etadi.