LaLigada mavsum startidagi eng yomon futbolchilar aniqlandi

Ispaniyaning "Marca" nashri o'z o'quvchilari o'rtasida LaLiganing startidagi eng yomon futbolchilarni aniqlash borasida so'rovnoma o'tkazdi.

Unga ko'ra, birinchi o'rinni 33 foiz ovoz to'plagan "Barselona" hujumchisi Antuan Grizmann egalladi. U Ronald Kuman kelganidan keyin 7-o'yinga kelib, samaradorlik qayd eta oldi.

Ikkinchi qatorda "Real" yarim himoyachisi Eden Azar qayd etildi - 31 foiz. U mavsumning dastlabki qismini jarohati sababli o'tkazib yuborgan bo'lsa, endi koronavirusga chalindi.

Uchinchi o'rindan "Real" tarkibida juda kam ko'rinayotgan Isko o'rin oldi.