"Real" sobiq himoyachisi Pepe Portugaliya chempionatining sentyabr va oktyabrdagi eng yaxshi o'yinchisi deb topildi

"Portu" himoyachisi Pepe Portugaliya chempionatining sentyabr va oktyabr oyi yakuniga ko'ra eng yaxshi o'yinchi deb topildi.

Bu haqda liga matbuot xizmati xabar berdi. Portugaliya terma jamoasi o'yinchisi 40,77% ovoz to'plagan holda "Braga" xavbeki Rikardo Eshgayu (13,85%) va "Sporting" himoyachisi Nunu Mendesh (10,77%)dan ilgarilab ketdi.

Pepe o'tgan ikki oy davomida "Portu" tarkibida 5ta o'yinda maydonga tushib, 1ta gol urishga erishdi. Jamoa esa ayni damda 7 o'yindan so'ng 13 ochko jamg'argan holda, jadvalning 4-o'rnida bormoqda. "Sporting" (19) esa etakchilik qilmoqda.