Benzema "Valensiya"ga qarshi o'yinda jarohat oldi

Ispaniya chempionati 9-tur doirasida "Valensiya" o'z uyida Madridning "Real" jamoasini qabul qildi.

O'yinning 76-daqiqasida "qirollik klubi" hujumchisi Karim Benzema jarohati sabab maydonni tark etdi va uning o'rniga Mariano Dias tushirildi.

Qayd etish kerakki, Benzema 23-daqiqada gol urgan holda, o'yinda hisobni ochgan edi. Bahs esa "Valensiya"ning 4:1 hisobidagi g'alabasi bilan yakunlandi.

32 yoshli hujumchisi joriy mavsum "Real" libosida barcha musobaqalarda 11ta o'yinda maydonga tushib, 6ta gol va 3ta assist qayd etdi. Uning klub bilan tuzgan shartnomasi 2022 yilning 30 iyuniga qadar mo'ljallangan.