Evrohaftalikdagi eng muhim voqealar (Top 10)

Yuklab olish

Stadion.uz ortda qolayotgan evrohaftalikdagi eng ko'zga ko'rinarli voqealar bilan tanishtirib o'tadi.

«Shaxtyor»ning qoqilishi

Ukraina klubi avvaliga Madridda «Real»ni mag'lub etgan bo'lsa, keyin «Inter» bilan durang natija qayd etdi. Donettsk klubi guruhdan keyingi bosqichga chiqishga loyiq jamoaligini isbotlagan bir paytda, «Borussiya» ukrainaliklarni Kievda 5 bor darvozadagidan to'p olib chiqishga majbur etishdi. Luish Kashtru shogirdlari, avvalgi ikkita turdagi ajoyib natijalarini deyarli yo'qqa chiqarishdi. Ushbu guruhda birinchi davradan so'ng ajoyib vaziyat ko'rinish olmoqda. Nemislar birinchi o'rinda, «Real» va qahramonlarimiz ikkinchi o'rinni bo'lishib turishibdi. «Inter» esa, so'nggi pog'onada.

PSJ yana qoqildi

Parij super klubi o'tgan mavsumda EChL finaliga qadar etib borgach, bu mavsumda juda ishonchli o'yin ko'rsatishi taxmin qilingan edi. Kutilmaganda, jamoa o'z uyida «MYu»dan alamli mag'lubiyat qabul qilib oldi. Keyin turk klubini mag'lub etishgan bo'lsa, uchinchi turda esa, «RB Leyptsig» Parij klubini mag'lubiyatga uchratdi. Boz ustiga, o'yin davomida Gaye va Kimpembelar qizil kartochka olishdi. Endi ular nemislarga qarshi ikkinchi davradagi ilk o'yinni o'tkazib yuborishadi.

Jotani «eplab bo'lmayapti»

«Liverpul» jamoasi EChLda ideal start olishga muvaffaq bo'ldi. Avvaliga "Ayaks« 1:0, keyin "Mityulland"ni 2:0 natijasi bilan mag'lubiyatga uchratishdi. So'nggi turda esa, "Atalanta"ga (5:0) yaxshigina dars o'tildi. So'nggi turdagi o'yinda Jota xet-trik qayd etdi va klubdagi mavqeyini ancha yaxshilab oldi. To'g'risi, uning sermahsulligiga qoyil qolmaslikning imkoni yo'q. Portugaliya termasi a'zosi yangi jamoasi safida 10 ta o'yinda maydonga tushdi va o'z hisobiga 7 ta gol yozdirib qo'ydi.

Rus klublariga «ko'z tegdi»

RPL a'zolaridan naqd 4 ta klub xalqaro maydonda Rossiya sharafini himoya qilmoqda. Achinarlisi shundaki, ushbu jamoalar birgalikda 12 ta o'yin o'tkazishgan. Ularning hisobida 6 ta mag'lubiyat va 6 ta durang natija mavjud. Afsuski, rus klublarida muammolar bir xil ekanligini darrov ko'zga tashlanmoqda.

Yusuf Yazidji rekordchi

Turkiya terma jamoasi a'zosi Yusuf o'zgacha rekordni qayd etishga muvaffaq bo'ldi. Yusuf bir mavsum davomida Evro kuboklar doirasida mehmonda ikki bor xet-trikni amalga oshirdi. «Doglar» avvaliga «Milan»ni, keyin «Sparta»ni yirik hisobda mag'lubiyatga uchratishdi. Yusuf Yazdji esa, ikkita uchrashuvda ham o'yinning eng yaxshi futbolchiga aylandi.

«MYu»dan sovg'a

Angliya klubi EChLni kutilmaganda muvaffaqiyatli boshladi. PSJ va «RB Leypsig» ustidan qozonilgan g'alabalardan so'ng, jamoa deyarli bir oyog'i bilan pley-offda edi. Kutilmaganda, «Istanbul» jamoasi Sulsherni oyog'idan pastga tortib qoldi. O'yinning so'nggi daqiqalarida Epunaroning darvoza chizig'idan to'pni olib chiqqani, uchrashuvning pik nuqtasiga aylandi.

Xoland bu borada Zidan, Ronaldo va Klozega etib oldi

20 yoshli norvegiyalik futbolchi «Bryugge» darvozasiga ikkita gol kiritgach, o'zining YChLdagi shaxsiy ko'rsatgichlarini yaxshilab olishga muvaffaq bo'ldi. Endi Xolandda 11 ta o'yinda kiritilgan 14 ta gol mavjud. Tasavvur qiling! Xoland shu yoshida Ronaldo, Kloze va Zidanga etib oldi. Endilikda, Xoland musobaqa tarixidagi eng yaxshi to'purarlar ro'yxatidan o'rin egallashi uchun yana ikkita gol kerak. Shunda u top 100 ga kirishi mumkin.

Marseldan anterekord

«Marsel» jamoasi guruh bosqichidagi 3 ta o'yinni mag'lubiyat bilan boshladi. Shu tariqa klub, mag'lubiyatli o'yinlar tseriyasini 12 taga etkazib oldi. Agar jamoa yana bir bor mag'lub bo'lsa, bu borada Belgiyanign "Anderlext« jamoasining rekordi yangilanadi va »Marsel« mutlaq »etakchi"ga aylanadi.

Frantsuz klubi uchun qora chiziq 2011/12 yilgi mavsumdan boshlangan. Keyin klub 2013/14 yilgi mavsumda «Borussiya D», «Napoli» va "Arsenal" bilan bir guruhdan o'rin egallaydi. Jamoa guruhdagi barcha 6 ta turni boy beradi va rekord uchun katta qadam tashlaydi.

«Milan»ning seriyasiga chek qo'yildi

«Milan» jamoasi Evropa Ligasining so'nggi turida o'z uyida «Lill»ni qabul qildi va kutilmaganda 0:3 hisobida engildi. Bu jamoaning 24 ta o'yindan beri davom etib kelayotgan mag'lubiyatsiz tseriyasining yakuni bo'lib xizmat qildi. Ushbu seriya ichida «Milan» 18 ta g'alaba va 6 ta durang qayd etgan edi.

Ramosdan rekord

Ikki mavsumdan beri «qirollik klubi» Evropa Chempionlar ligasini og'ir boshlamoqda. «Real» ilk turda «Shaxtyor»ga engildi. Keyin Germaniyada mag'lubiyatdan arang qutilib qoldi. 3-turga kelib «Inter» katta mashaqqat evaziga mag'lub etildi.

«Inter»ga qarshi uchrashuvda Rodrigo kiritgan gol g'alaba keltirgan bo'lsada, butun dunyo uchrashuvdagi Ramosning golini muhokama qildi. Gap shundaki, ispan o'sha oqshomda o'zining futbolchilik faoliyatidagi 100-golini urgan edi. E'tiborlisi shundaki, bu gollarning 55 tasi bosh bilan kiritildi. Endilikda, Ramos «Real»ning to'purarlari ro'yxatida 23-o'ringa ko'tarilib oldi.