Ashraf jamoada qoladimi?

Madridning "Real" klubida 2017/18 mavsum boshlanishidan oldin bitta savol qiynamoqda, Danilo ketganidan so'ng Dani Karvaxal o'rinbosari kim bo'ladi? Hozircha jamoa Karvaxal o'rniga hech bir nomzod ko'rib chiqmadi va marokashlik futbolchi Xakim Ashraf ishongandek go'yo. Yosh futbolchi mavsumoldi barcha uchrashuvlarda maydonga tushdi va o'zini yaxshi tomonlama ko'rsatdi. Hozirgi kunda jamoada Ashrafdan bo'lak o'ng qanot himoyachisi yo'q hisob. 

Faqatgina Nacho bu pozitsiyada o'ynay olishi mumkin, biroq boshlanajak mavsumda Nachoning markaziy himoyada qiladigan ishlari ko'p bo'ladi.

Yana bitta nomzod Alvaro Texero bo'lishi mumkin. Texero ham xuddi Nacho singari universal himoyachi hisoblanadi, biroq u so'nggi uchrashuvlarda maydonga tushirilmadi. Hozirgi paytda Zidan o'ng qanotni Karvaxaldan so'ng Ashrafga ishonib topshirish ehtimoli yuqori.