"Napoli" Regilon uchun 15 million evro taklif qildi. "Real" esa 25 mln xohlamoqda

"Real" himoyachisi Serxio Regilon faoliyatini A Seriyada davom ettirishi mumkin.

"Napoli" ispaniyalik futbolchi uchun 15 million evro taklif qilmoqda. Bu haqda jurnalist Nikolo Skira xabar bermoqda.

"Qaymoqranglilar" 23 yoshli o'yinchining transferidan 25 million evro ishlab olishni xohlashmoqda. Neapolliklar o'yinchi bilan 5 yillik shartnoma imzolamoqchi.

Futbolchi joriy mavsum barcha musobaqalarda 35ta o'yinda maydonga tushib, 3ta gol va 4ta assist qayd etdi.