Gvardiola “Real” bilan o'yin haqida: “Buyuk klublar hammasini o'zgartirib yuborishi mumkin. Ustunlik haqida o'ylamasligimiz kerak”

“Manchester Siti” bosh murabbiyi Pep Gvardiola ECHL 1/8 finalining “Real”ga qarshi javob o'yini oldidan o'z fikrlari bilan o'rtoqlashdi.

Mazkur jamoalarning Madridda o'tgan ilk uchrashuvida “Manchester Siti” 2:1 hisobida g'alaba qozongan.

“Biz birinchi bellashuvda yaxshi natijaga erishdik. Agar “Manchester Siti” ushbu natijaga mahliyo bo'lib qolsa, bizning keyingi bosqichga o'tishimiz qiyinlashadi. Biz oldimizda turgan 95 daqiqa davomida bor etiborimizni o'yinga qaratib, masuliyat bilan to'p tepishimiz kerak bo'ladi.

Ayni paytda birinchi uchrashuvdan keyingi ustunligmiz haqida o'ylashning hojati yo'q. Bu qanday ustunlik ekanligini juda yaxshi bilamiz. Buyuk jamoalar o'yin taqdirini istalgan vaqt o'zgartirib yuborishlari mumkin, “Barselona” va “Bavariya” singari. “Real” CHL bahslarida qanday harakat qilish lozimligini biladi va javob o'yinidayam xuddi shunday harakat qiladi”, dedi Gvardiola.