Areola Londondan uy xarid qildi. U Angliyaga ko'chib o'tishi mumkin

O'tgan mavsumni ijara asosida "Real"da o'tkazgan PSJ darvozaboni Alfons Areola faoliyatini "Tumanli Albion"da davom ettirishi mumkin.

27 yoshli golkiper doimiy o'yin amaliyotiga ega bo'lmoqchi. U navbatdagi Evropa chempionatida Franciya terma jamoasi sharafini himoya qilishni maqsad qilgan. Areolaning "CHelsi"ga ko'chib o'tishi taxmin qilinayotgandi. The Sun nashri xabariga ko'ra, darvozabon Londondan uy xarid qilgan.

"Bir necha yildan buyon Londonda uyimiz bo'lishi xohlardik. Bugun orzumiz ushaldi", — deb yozdi bu haqida uning turmush o'rtog'i ijtimoiy tarmoqlardagi sahifalariga.