Gvardiola: "Real" va "Barselona" darajasiga chiqishimiz uchun vaqt zarur

"Manchester Siti" bosh murabbiyi Xosep Gvardiola futbolchilarning transfer narxlari oshib ketishi haqida o'z fikrlarini bildirib o'tdi.

"Tentanlik. Narxlar birdaniga ko'tarilib ketdi. 2,3 yil oldin bir futbolchiga 100 mln to'lash deyarli mumkin bo'lmagan ish edi. Hozir bu mumkin, narxlar esa oshgandan oshib bormoqda. Men kamroq pul to'lash tarafdoriman, biroq bu bozor. Faqat "Siti" emas barcha klublar ko'plab pul sarflamoqda. Ko'ramiz, yana bir necha yildan keyin nima bo'ladi. "MYU" va "Barselona" ham transferga katta pullar sarflashmoqda. "Siti"ni Abu-Dabilik shayx sotib olganiga 10 yil bo'ldi, biz APLda kuchli uchlikga kirishga erishdik. Ammo bizga "Real" va "Barselona" darajasiga chiqishga vaqt zarur." - deydi Gvardiola.

Ma'lumot uchun, "Man Siti" ushbu transfer oynasida futbolchi sotib olish uchun 200 mln funt (tahminan - 220 mln yevro) sarfladi. Gvardiola esa faoliyatida transferlar qilish uchun o'z jamoalarining 1 mlrd yevrosini yo'qotdi.